منتدى كليه التربيه الرياضيه ( الغير رسمى)
Would you like to react to this message? Create an account in a few clicks or log in to continue.

You are not connected. Please login or register

نكت حلوة

5 posters

Go down  Message [Page 1 of 1]

1نكت حلوة Empty نكت حلوة 2008-07-23, 10:14

gross_lieber4

gross_lieber4
عضو نشط
عضو نشط

مرة عيل صغير كل شوية يقول لابوه عاوز اعمل بيبي فابوه قال له عيب يابنى كلمة بيبي دى خلى فيه سيم بينى وبينك لما تحب تروح الحمام قول عاوز اصفر
الولد راح يبات عند جده صحى الساعة 2 بالليل قعد يقول:جدو جدو عاوز اصفر
-تصفر ايه يابنى الساعة 2 بالليل والناس نايمة؟
-ماليش دعوة مش قادر عاوز اصفر
جده قال له خلاص يابنى صفر فى ودنى بس بشوييييييش
.................................................................

مرة فار سكران على الاخر شافه قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل
ما اسكر اعملى مصيبة)
.................................................. .....


واحد سباك نفسه اتسدت غرقت الشقة

.................................................. .......



واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

.................................................. ..........



نذل يبكي في جنازة سألوه تعرفه ؟ قال: لا بس سمعت ان البكاء يعذب الميت

.................................................. ............



مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء
.................................................. .........



تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..


الصومالي شغل الراديو سمع: (الصومال لن تتنازل أبدا عن حقها الشرعي والتاريخي في ولاية نيوجيرسي)


الأمريكي شغل الراديو سمع: (سيدافع الجيش الأمريكي عن البلاد لآخر جندي!)


المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)

.................................................. ...........



مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!
.................................................. ...........


بلديات فتح محل انابيب غاز .. فجّر اسطوانتين فى وسط البلد دعاية


.................................................. ........




مرة ممثل كبير جاله دور برد , رفضه !!


.................................................. ....


مرة مذيعة عملت عملية في ظهرها...شالولها فقرة ..و حطوا برنامج !!



.................................................. ......




ما الفرق بين التليفزيون والغسالة.. ؟؟؟؟؟؟ مفيش فرق الاثنين بيستعملوا اريال ..


.................................................. ......



ما الفرق بين المرسيدس والتعويرة؟
المرسيدس .... ألماني
والتعويرة ...... ألماني جداً


.................................................. ......


واحد حانوتي ربنا فتحها عليه و فتح محل فكهاني..كل يوم في المحل يقعد ينادي :


المووووووز علينا حق !!!

.................................................. .........



اثنين بلديتنا قاعدين بيمصوا قصب لما حبو يقوموا ملقيوش الشوم بتاعتهم


.................................................. .....


اسرائيلي حاول يغازل فلسطينية قالته روح بلاش أخليك خبر عاجل


.................................................. ..


واحد من الشام راح لبنان و دخل علي محل مستحضرات تجميل و سأل البائع


الشامي: بدي ( لبنان بو)


البائع: شو ؟؟؟؟!!


الشامي : بدي لبنان بو


البائع: شو ها اللبنان بو


الشامي : مبتعرف شو اللبنان بو!!!


البائع: لا خيي مبعرف


الشامي : غريبة عندنا بالشام في ( شام بو)!!!!!


.................................................. ..........


سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.


.................................................. ..


مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق


.................................................. ...


طلب مدرس من تلميذغني جدا ان يكتب موضوع تعبير عن عيلة فقيرة
فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!


.................................................. .



مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم

..................................................



بيقولك مره واحده حامل ابنها بيقول لها: ايه اللي في بطنك ده يا ماما ؟


قالتله: ده ابني وبحبه قوي


قالها: لما هو ابنك وبتحبيه اكلتيه ليه ؟

.................................................. ......



اتنين بدوروا على زوجاتهم فى السوق, فاتفقوا كل واحد يدور على مرات التانى
, فاللبنانى بيوصف زوجته للصعيدى
وقاله: شعرها أصفر وعيونهازرق وقوامها سمبتيك , ها وشو أوصاف زوجتك؟
رد الصعيدى وقاله: سيبك من مراتى ويلا بينا ندور على مراتك

.................................................. ..............




واحد كمسري بيقول لابنه تذاااااااكـــــــــــــــــــــــر ............. تنجح


.................................................. ..


ايه أسرع ثلاث وسائل للاتصالات؟


Telephone
Television
Tell -a- Woman


.................................................. .




واحد هو وابنة مش عارفين ايه هو الاسنسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزر وطلعت بعد شوية نزل الاسنسير واتفتح خرجت منة شابة جميلة ..فقال لابنه :روح هات امك هنا

.................................................. ...



واحد بيسأل خطيبته : حد قبلى لمسك ؟ سكتت


قالها : زعلتى


قالت له : لا بأعدهم

.................................................. ...



صعيدي سألوه ماهو السيفون؟؟


قال:صندوق بحبل لما تشده يا تلحق تشرب يا متلحقش

........................................................

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة،
قال والله انا كنت متأكد انهم في الهيصة دي هينسو حد
________________________________________________
واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق
________________________________________________
مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: ' جوزك ضيع كل فلوسه ع القمار'
قالت له: ' إلهي ينشل البعيييد!'
قال لها: ' و باع البيت'
قالت له: ' إلهي يبيعوا عنيه!'
قال لها: ' و اتجوز عليكي على فكرة'
قال له: ' إلهي يدخلوا عليا شايلينه'
الرجل قال: ' بس.. خشوا يا شباب...'!
________________________________________________
واحد بلدياتنا كان راكب الطيارة هو و ابنه وكان في الطيارة عصام الحضري, فالطيار قال احنا لازم نستغل فرصة ان معانا عصام الحضري و نعمل مسابقة نسلي بيها الركاب.
راحوا قايلين لبلدياتنا احنا حنفتح باب الطيارة و حيقف الحضري عليه كأنه جون و انت حترمي عليه ابنك , و ما تخفش ده احنا معانا الحضري.
و وافق بلدياتنا و وقف الحضري على باب الطيارة, و بلدياتنا مسك ابنه و قام مهوش يمين قام الحضري ناطط يمين, راح بلدياتنا رامي ابنه شمال
_____________________________________________
واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش !!

واحد منوفي كان ناذر نذر انه لو خلف ولد يصوم عشر أيام و فعلاً ربنا أكرمه و جاب ولد و الراجل صام العشر
(^^)أيام بعديها بكام يوم الولد مات المنوفي خصم العشر أيام من شهر رمضان
...............................................................................

2نكت حلوة Empty Re: نكت حلوة 2008-07-23, 14:16

احمد عبد المطلب

احمد عبد المطلب
يا صباح المستويات العالية
يا صباح المستويات العالية

جامده اوى يا مصطفى واحلى ما فيهم الاولى والاخيره

3نكت حلوة Empty Re: نكت حلوة 2008-07-23, 17:11

مصطفى المملوك

مصطفى المملوك
خلاص بقيت في الفورمة
خلاص بقيت في الفورمة

واحد غبى فى الجيش القائد اداله اغلى قنبلة فى العالم وقال له ارميها على الاعداء من فوق
الجبل اللى بين الجيشين ، قام الراجل طلع على الجبل ، ولاول مرة فكر وقال القنبلة دى غالية قوى طب ما بلدنا اولى بيها ورماها على جيشه
مرة واحد بيحلق .. الحلاق سأله : عايز ودنك اليمين؟ الزبون ضحك وقاله لأ... قام الحلاق
قطعها ورماها فى الشارع.. وبعدين ساله:عايز ودنك الشمال؟ الزبون صرخ وقاله اه.. قام الحلاق قطعها وادهاله
استاذ بيسأل طالب ايه هو اسرع حيوان في العالم الطالب: الفيل
الاستاذ:الفيل ياغبي ياحمار ياأهبل انت اسمك ايه يالا
قاله تامر قاله ابوك بيشتغل ايه قاله وكيل نيابه الاستاذ
قاله والله يابني هو ممكن يبقى الفيل بس لو شد حيله شويه

4نكت حلوة Empty Re: نكت حلوة 2008-07-23, 19:17

زهرة الياسمين

زهرة الياسمين
عضو يستحق التقدير
عضو يستحق التقدير

النكت جامدة جدااااااااااااااا الله ينور عليكوا ااااااااااا

5نكت حلوة Empty Re: نكت حلوة 2008-07-24, 11:57

gross_lieber4

gross_lieber4
عضو نشط
عضو نشط

ههههههههههههههههه
شديدة النكت بتاعتك يا ممملوك

ايوة كدة يا رجالة شوية جد وشوية هزار مش كلة هزار

6نكت حلوة Empty Re: نكت حلوة 2008-07-24, 13:47

shark


عضو نشط
عضو نشط

جامدة قوى النكت دى

Back to top  Message [Page 1 of 1]

Permissions in this forum:
You cannot reply to topics in this forum