وده ضربة معلم
بفريقه اتكلم
وعملتها رجالته
مصر كلها بتغني علي اوتار الفرح وعود النصر وانغام الفوز و لحن الكاس وصوت المصرين.. في أجمل لياليها..كنا بجد طيرين من الفرحة ..غنينا ورقصنا و بكينا و سجدنا و صرخنا و دعينا و سهرنا و ................ .
شوفنا يوم ماشفتهوش مصر من زمان ... الكل كان فرحان لاننا مصدقناش احنا كسبنا الكاميرون أسد افريقيا .
بدات من اول اليوم الكل بيستعد والراح يجهز نفسه والراح يوضب الآعدة والراح يشتري اللب والسوداني و العمل الشاي و الأتصال بأصحابه والنزل يدور علي واحد يتفرج معاه , و النزل رسم علي وشه تلت ألوان الأحمر والابيض والاسود..والراح اشتري علم مصر و الراح رسم علي لوحة و الجاب طبلة والجاب زمارة .......الكل استعد , الكل قلقان , الكل مستني , الكل بيدعي ان ربنا يوفقهم ويرجعولنا بالكاس... .
كان اجمل يوم لما شوفت اصحابي ..كلنا بنشجع مع بعض و لما كانوا اللعيبة بيسجدوا كنا بنسجد معاهم ..منظر مش عارف انتا حاسوا ولا لأ؟...احساسمبيجيش غير كل فين وفين...... .
لما بنعمل هجمة كلنا كنا بنقوم و نصرخ لو ضاعت بنضرب بعضينا ههههههههههه ..ولو جابوا جون بنقوم نجري ونحضن بعضينا ولو حد انصاب بنبقي قلاقين جدااااااا وبنكون خيفين خاصة لما المباراة بتكون مع حد جامد..كنا بنغني بأسامي اللاعيبة كلها من عصام لزيدان لفتحي لشحاتة لكل واحد لابس فلنة مكتوب عليها egypt لكل بطل مسافر لكل لاعب راجل في الملعب لكل واحد بيقول مصر...انتوا عارفين ليه لأن مصر بتلعب؟؟؟؟
لما مصر كسبت عيطنا عياط ماشوفتوش من حد فرحان قبل كده لدرجة كنا ماشين في الشارع بسلم علي ناس معرفهمش بس العرفوا فيهم انهم مصرين..شامم فيهم ريحة الجدعنة .. والفوز ده مجاش من فراغ لان اللاعيبة الكانوا بيلعبوا تعبوا بجد اتمرنوا صح علي أيد مدرب صح أب فعلا كلهم بيحبوا لانه فهمهم و كبرهم وده كانت احدي الاستراتيجيات الناجحة في علم التدريب الستخدمها المعلم مع ولاده.......غانا شهدت ما لم تشهده من قبل و شوارع مصر غنت مالم يغني لها من قبل.....انتوا عارفين ليه لاننا مصرين.
بعد المتش أكيد شوفته الحصل ..انا عن نفسي طلعت عند استانلي علي البحر و كان عندي حالة من الهيستريا قعدت وربعت انا وزميلي فيوسط الشارع و رقصت و لفينا حولين العلم و كنت مبسوط اوووووووي مش علشان مهيس لا علشان مصر كسبت.... . .... .. . .. . . . . .
وده ضربة معلم
بفريقه اتكلم
صحيح ضربة معلم
كلنا من الفرحة بكينا
وعلي نصرك احنا غنينا
في كل مكان جرينا
لما جيت من غانا لينا
مستنينك نسلم عليك بأيدينا
شرف كبير لمرسينا
اطلب وعنديك عنينا
علي متشاتك سهرنا ليالينا
يا معلم ربنا يخليك لينا
صحيح ضربة معلم
خلت هناك الشباك تتكلم........... .
إمضاء: أنا بقلبي مصريبفريقه اتكلم
صحيح ضربة معلم
كلنا من الفرحة بكينا
وعلي نصرك احنا غنينا
في كل مكان جرينا
لما جيت من غانا لينا
مستنينك نسلم عليك بأيدينا
شرف كبير لمرسينا
اطلب وعنديك عنينا
علي متشاتك سهرنا ليالينا
يا معلم ربنا يخليك لينا
صحيح ضربة معلم
خلت هناك الشباك تتكلم........... .
